BİZİM KİNOMUZ
07 Aprel 2022 / 14:42

Minlərlə insanın toxuduğu Qarabağ xalçası haqqında sənədli film çəkilib

Azərbaycanın 44 günlük Vətən müharibəsindəki Qələbəsini simvolizə edən və xalqımızın həmrəyliyini nümayiş etdirən “Qarabağ ilmələrdə” sənədli filmi hazırlanıb.

 

Bu barədə “Azərxalça” ASC-nin mətbuat xidmətindən bildirilib.

 

Azərbaycan Jurnalistlər Şəbəkəsi İctimai Birliyinin təşəbbüsü Mədəniyyət Nazirliyi, “Azərxalça” ASC və “Təmiz Şəhər” ASC-nin dəstəyi ilə keçirilən sosial layihədə Qarabağ “Çələbi” xalçasına 44 gün ərzində minlərlə insan ilmə ataraq toxuyub. Sonuncu ilmələri işğaldan azad olunan Şuşa şəhərində vurulan xalçanın toxunma prosesi əvvəldən axıra qədər filmdə əks olunub.

 

Xüsusi avtomobildə daşınan xalçaya şəhid ailələri, müharibə iştirakçıları və müxtəlif bölgələrdə yaşayan vətəndaşlar ilmə ataraq, Müzəffər Ali Baş Komandan İlham Əliyev və onun rəhbərlik etdiyi şanlı Ordumuz tərəfindən 44 günün sonunda düşmən üzərində qazanılan Qələbənin yaşatdığı hissləri dilə gətiriblər.

 

“Qarabağ ilmələrdə” sənədli filmi aprelin 10-da ilk dəfə İTV-də yayımlanacaq.